Long Legged Doji

Long Legged Doji யானது  Doji அமைப்பை சார்ந்தது , இதுவும் spinning top அமைப்பை  போன்று , சந்தை நிலையற்ற தன்மையில் உள்ளதை குறிக்கும் . இதனால் இந்த அமைப்பு தோன்றும் பொழுது எந்தவித முடிவும் எடுக்காமல் இருப்பதே நலம் . 

Long Legged Doji அமைப்பானது, real body -யின் மேல் மற்றும் கீழ் நேர் கோடுகள் பெரியதாகவும் , real body இல்லாமலோ அல்லது மிக சிறிய அளவிலோ இருக்கும் . spinning top அமைப்பும்  Long Legged Doji அமைப்பும் பார்பதற்கு ஒன்று போல தோன்றினாலும் , இரண்டும் சற்று வேறுபாடுகள் உள்ளன.Spinning top அமைப்பிற்கு மேல் மற்றும் கீழ் நேர் கோடுகள் சமாக இருக்காது ஆனால் Long Legged Doji -யில் நேர் கோட்டின் அளவுகள் சமமாக இருக்கும் .  spinning top அமைப்பில் real body இருக்கும் , Long Legged Doji -யில் real body இருக்காது , இருந்தாலும் மிக மிக சிறிய அளவிலே இருக்கும் .

 இந்த மாதிரி நிலையற்ற அமைப்புகள் தோன்றும் பொழுது , தின வணிகத்தின் அடுத்த நாளில் , பங்கின் விலை இன்றைய உயர்ந்த விலைக்கு மேல் செல்லும் பொழுதோ அல்லது இன்றைய குறைந்த பட்ச விலைக்கு கீழ் செல்லும் பொழுதோ நாம் முடிவுகளை எடுக்கலாம் , நாம் முடிவுகளை உறுதி செய்து கொள்வதற்கு support and resistance விலைகள் மற்றும் பிற வழிமுறைகளை கையாள்வது நலம் பெயர்க்கும் . 

Spinning Top Candle Stick

Spinning top candle stick என்பது , real body சற்று சிறியதாகவும் , கீழ் மற்றும் மேல் நேர்கோடுகள் சற்று அதிகமானதாகவும் இருந்து இந்த அமைப்பை தோற்றுவிக்கும் .

அதாவது தின வணிகத்தில் சந்தை , உயர்ந்ததும் ,தாழ்ந்து இருந்தாலும் முடிவு விலை ,தொடக்க விலை மிக அருகிலேயே இருக்கும் . தின வணிகத்தில் சந்தை காளை மற்றும் கரடிகளின் ஆதிக்கம் மாறி மாறி , நிலையட்ற தன்மையில் இருக்கும் .

பொதுவாக இந்த அமைப்பு தோன்றும் பொழுது எந்த வித முடிவும் ( வாங்கவோ அல்லது விற்கவோ ) எடுக்காமல் இருப்பதே சிறப்பானதாக இருக்கும் . 

சந்தை ஏறு முகத்தில் இருக்கும் பொழுது, spinning top அமைப்பு தோன்றினால் , காளையின் வலிமை குறைவதாகவும் , கரடிகளின் கைகள் ஒங்குவாதாகவும் எடுத்து கொள்ளலாம் . சந்தை இறங்கு முகத்தில் இருக்கும் பொழுது, spinning top அமைப்பு தோன்றினால் , கரடிகளின்  வலிமை குறைவதாகவும் ,காளையின் கைகள் ஒங்குவாதாகவும் எடுத்து கொள்ளலாம் . 

MARUBOZU candlestick

MARUBOZU candlestick pattern என்பது , நாளின் உயர்ந்தபட்ச விலை மற்றும் குறைந்த பட்ச விலைகளையே, நாளின் தொடக்க விலை அல்லது முடிவு விலையாகவோ இருந்து , ஒரு சதுர அல்லது செவ்வக வடிவை கொண்டிருக்கும் . இந்த marubozu அமைப்பிற்கு கீழ் மற்றும் மேல் நேர்கோடுகள் இருக்காது . 

வெள்ளை MARUBOZU 

வெள்ளை MARUBOZU அமைப்பானது , நாளின் தொடக்க விலையும் ,குறைந்த பட்ச விலையும் ஒன்றாக இருந்தும் , நாளின் முடிவு விலையும் ,உயர்ந்த பட்ச விலையும் ஒன்றாக இருந்து இந்த அமைப்பை தோற்றுவிக்கும் . இந்த அமைப்பு தோன்றும் தின வணிக நாள் முழுமையும் , சந்தை காளையின் கைகளில் இருக்கும் . அதாவது , பங்குகளை வாங்குபவர்களே நாள் முழுமையும் ஆதிக்கம் செலுத்துவார்கள் . 

கருப்பு MARUBOZU 

கருப்பு MARUBOZU என்பது நாளின் தொடக்க விலையும் , உயர்ந்த பட்ச விலையும் ஒன்றாக இருந்து , முடிவு விலையும் , குறைந்த பட்ச விலையும் ஒன்றாக இருந்து இந்த அமைப்பை தோற்றுவிக்கும் . இந்த அமைப்பு தோன்றும் தின வணிக நாள் முழுமையும் ,சந்தை கரடிகளின் செல்வாக்கில் இருக்கும் . நாள் முழுமையும் , பங்குகளை விற்பதில் முதளிட்டளர்கள் ஆர்வம் காட்டுவார்கள். 

Dragon fly Doji

இந்த அமைப்பு doji வகையை சார்ந்தது . dragon fly doji என்பது , நாளின் தொடக்க விலை ,உயர்ந்த பட்ச விலை மற்றும் முடிவு விலை சமாகவோ அல்லது சற்று வேறுபட்டு இருந்து , நாளின் குறைந்தபட்ச விலை மட்டும் வேறுபட்டு இந்த அமைப்புகள் உருவாகும் . 

இவ்வகை அமைப்புகளுக்கு real body இருக்காது , அவ்வாறு இருப்பினும் மிக மிக சிறிய அளவில் இருக்கும் .இந்த அமைப்பு ஆங்கில எழுத்து "T" போன்று தோற்றம் அளிக்கும் . 

dragon fly doji அமைப்பை முந்தய நாளின் candle stick அமைப்புடன் ஒப்பிட்டு பார்த்து ,நம் யூகத்தின் நம்பகத்தன்மையை உறுதி செய்து கொள்ளலாம் . 

dragon fly doji அமைப்பின் , கீழ் உள்ள நேர்கோடனது , வணிகதினத்தின் முற்பாதியில் சந்தை சரிவை நோக்கி சென்றாலும் , பிற்பாதியில் , வாங்கும் திறன் அதிகரித்து , சந்தை காளையின் கட்டுப்பாட்டுகுள் வந்து தொடக்க விலையிலே , நாளின் முடிவு விலையும் அமைந்து விடும் . 

 இது ஒரு " திருப்பு முனை" அமைப்பு , அதாவது சந்தை ஏறுமுகத்தில் இருக்கும் பொழுது (முந்தய நாளின் அமைப்புடன் ஒப்பிட்டு ) இறங்கு முகத்திற்கு தயாராக உள்ளதையும் , இறங்கு முகத்தில் உள்ளபோது , ஏறுமுகத்திற்கு தயாராக உள்ளதை எடுத்துக்கட்டும் அமைப்பாகும் . 

ஏறுமுகத்தில் இந்த அமைப்பு தோன்றினால் , நாளின் குறைந்த பட்ச விலையை கவனத்தில் கொள்க ! , மறுநாள் , இந்த குறைந்த பட்ச விலை தாண்டி , விலை கிழே சென்றால் , சந்தை சரிவை நோக்கி பயணிக்கிறது எனலாம் . 

இறங்கு முகத்தில் இந்த அமைப்பு தோன்றினால் , நாளின் உயர்த்த பட்ச விலையை கவனத்தில் கொள்க ! , மறுநாள் , இந்த உயர்த்த பட்ச விலை தாண்டி , விலை மேலே சென்றால் , சந்தை மேல் நோக்கி பயணிக்கிறது எனலாம் . 

--